بسم الله الرحمن الرحيم
الفصل الاول من قصة صياح الجن
بنبداء قصتنا ب ابراهيم ، ابراهيم كان عايش في قرية في بلد ارياف ، وكان ابراهيم ديما متعود انو ينزل مع ابوه في وقت متأخر بليل ويقعدو في الارض بتعتهم فا فيوم نزل ابراهيم مع ابوه صالح الارض الساعه 3:00 الفجر زي مهما متعودين يعملو كدا ديما بس اليوم دا كان غير اي يوم نزلو فيه لان اليوم دا شافو حاجات عمرهم مكانو متخيلين انهم يشفوها.
انا اسمي ابراهيم من صغري وانا بحب الرعب وبحب اتفرج علي افلام رعب وبسمع قصص رعب عن الجن وغيرو كتير بس عمري متخيلت اني ممكن اعيش قصة رعب من الي بشوفهم او بسمعهم ....في يوم كنت قاعد مع والدي في الارض بتعتنا بليل الساعه 3 الفجر كدا مش فاكر الوقت بالظبط بس كان قريب من الوقت دا يعني المهم انا و والدي كنا قاعدين وبنتكلم عادي واه انا في اليوم دا كان عندي لسه 16 سنه كنت صغير بس واعي للي بيحصل وفاهم كويس كل حاجا المهم كنا بنتكلم في مواضيع عاديه بنضيع وقت ونشم هوا بس حصل حاجا غريبة فجأه من دون اي سابق انذار لقينا قطه مدبوحه منغير راس اترمت علينا من بعيد اتخضينا انا ووالدي من المنظر دا ومضحكش عليكم في وقتها ومن الخضه انا كنت شايف الخوف في عين والدي بس هو بيحاول يتماسك قدامي عشان ميحسسنيش بالخوف ويطمني بس انا كنت مرعوب من منظر الدم وجثة القطه كانت سخنه والدم لسه بينزل من رقبتها يعني القطه دي لسه مدبوحه مكملتش دقايق المهم قومنا بسرعه انا ووالدي ندور نشوف القطه دي جت منين ولا مين الي حدفها بس الغريب اننا مشفناش ولا مخلوق في الارض غيرنا احنا وبس ، وكمان مش سامعين اي صوت خالص فرجعنا تاني مكان مكنا قاعدين وهنا بقا كانت الصدمه الكبيرة .... لقينا القطه اختفت من مكنها وحتي مفيش اي اثار دم علي الارض ولا اكن اي حاجا كانت حصلت واكننا كنا بنحلم وصحينا من الحلم ، في الوقت دا التوتر والخوف بان علينا اكتر بس برضو والدي حاول يطمني وخدني ورجعنا البيت تاني بس الحكاية موقفتش لحد هنا ... لان بعد مروحنا البيت وقعدنا عادي كلنا وكان الجو هادي جداً ومفيش اي حاجا بتحصل غريبه بس الهدوء دا مطولش كتير لان الي حصل بعد كدا كان هو الرعب الحقيقي ... والدي شفني متوتر من اول لما رجعنا من الارض فقلي قوم انت يا ابراهيم نام فقومت ادخل الحمام قبل منام كان قلبي مقبوض اوي وانا داخل المهم استعذت بالله من الشيطان الرجيم ودخلت الحمام وخرجت ودخلت الاوضه بتعتي عشان انام ومن هنا بقا بدات الحاجات الغريبه تحصلي ... بصو انا الاوضه بتعتي فيها دولاب وسرير والدولاب في وش السرير يعني ونا نايم الدولاب بيبقا في وشي وكمان كان في مرايا جمب الدولاب وكان في بلكونه صغيرة كدا وعليها ستارة لونها ابيض المهم بقا اول لما دخلت الاوضه بتعتي شفت حاجا غريبه جدا وكانت هتموتني من الرعب ببص قدامي لقيت خيال اسود كبير ورا الستارة بس الخيال دا مغبش كتير يدوبك بس ظهر دقيقه واختفي تاني انا خفت جدا ووقفت متسمر مكاني من الرعب بس شجعت نفسي وقولت اكيد بيتهيقلي بسبب الموقف الي حصلنا من شوية فتشجعت اكتر وبدات اروح للستارة عشان اشوف اي الي حصل دا بس كانت رجلي تقيلة جدا وانا ماشي من الخوف وبترعش لحد موصلت للستارة ومديت ايدي ومسكتها وقمت شادد الستارة بسرعه عشان اشوف اي وراها .... لما شديت الستاره ملقتش اي حاجا ورها نهائي فضلت شوية خايف من الي بيحصلي دا بس قولت اكيد بتخيل بس انا كنت عارف اني شفت الخيال دا فعلا قدام عيني بس حولت اطمن نفسي علي قد مقدر وقمت رايح علي سريري عشان انام واليوم الغريب دا يعدي علي خير وغيرت هدومي ورحت طلعت علي السرير ولسه هنام وعيني هتغفل من التعب الي شفتو في اليوم الغريب دا لقيت ايد غريبة وشكلها مخييييف جدا طلعت من تحت السرير ومسكت رجلي جااااااامد اوووي لدرجة اني حسيت رجلي بتتقطع ومن رعبي دا سرخت بعلو صووووتي ونديت علي والدي وعلي كل الي كانو في البيت عشان يسعدوني وبعد مانديت كتير الحمدلله والدي سمعني ودخل لوحده الاوضه بتعتي يشوفني واول لما دخل كل حاجا رجعت لطبيعتها والايد اختفت خالص وبصيت علي رجلي لقيت مفيش اي اثار علي رجلي مكان اي حاجا من الي حصلت دي ، بس الصدمه الكبيرة مش هنا الصدمه الكبيرة لما بلف اشوف والدي ولسه هحكيلو علي الي حصل دا اتصدمت من الي شفتو .....يتبع الفضل الثاني ؟
تم الانتهاء من كتابة الفصل الثاني
تعليقات
إرسال تعليق