مش دايما الغنا والعز يبقى وراهم حياه سعيدة وراحه البال ممكن يكون فيه مشاكل كتير اكبر من الفقر واخطر منه؛ أنا مين!
أنا احمد شاب عنده ٢٠ سنه غير متزوج طموح لكن حد فى مكانتى من الطبقه العليا فى المجتمع ومن عيله من أغنى اغنياء العائلات مش هيحتاج الطموح فى حاجه لانه بالموجز مش ناقصه شئ عايش انا ووالدى ووالدتى وجدى فى ڤيلا فخمه جدا فى مكان راقى.
دايما كنت مرتبط بجدى جدا وتقريبا كنت بقضى معظم وقتى معاه وخصوصا إن هو من الناس القديمه وانا كنت بحبه جدا.
مش كدا وبس هو كمان إلى بنى عيلتنا وكبرها وكان مصدر الكرم والعطاء فى العيله .
يعنى ايه ! أنا سايبه كويس بابا اقفل أنا جايلك حالا.
ده كان ردى لما جالى تليفون وسمعت فيه التالى: الو
الو فيه حاجه يا بابا
ايوه فيه حاجه حصلت وأنا مش عارف أجبهالك ازاى ؛ بص يبنى انا عايزك تمسك نفسك وتتمالك أعصابك
متتكلم يا بابا قلقتنى
جدك عرفات
مالو جدى اتكلم!
جدك عرفات تعيش انت
يعنى ايه ! أنا سايبه كويس بابا اقفل أنا جايلك حالا.
رميت التليفون وسبت أصحابى وقمت زى المجنون ركبت العربيه وروحت البيت.
دخلت البيت لقيت ماما بتعيط وبابا بيحاول يهديها حاولت انا كمان معاه مع إنى محتاج إلى يهدينى نجحنا فعلا فى إننا نقنعها تدخل تنام وتستريح شويه سندناها انا وبابا لحد السرير وخرجنا علشان نتكلم.
بابا قولى ازاى ده حصل انا كنت سايبه كويس قبل ما اخرج
بص يبنى جدك مكنش مظبوط اليومين إلى فاتوا كان بيتصرف تصرفات غريبه
غريبه ازاى يعنى!
يعنى كنا مره قاعدين بناكل لقيته مره واحده قام وبص للطبق قدامه وبرق اوى جيت اقوله مالك يا بابا زعق وقالى مفيش حاجه وساب الاكل وطلع اوضته وفى مره بعد نص الليل لقيته بيصرخ وهو نائم وعمال يقول متاخدنيش معاك مش عايز اجى معاك انا هعمل كل إلى انت عايزه بس متاخدنيش معاك وبعدين يسكت اروح انام يرجع تانى يردد نفس الكلام
طب هو بيعمل كدا ليه يا بابا
والله يا ابنى انا معرفش
طب هو فين انا عايز اشوفه
هو دلوقت على سريره جوه بلاش تطول معاه
ليه!
بص انا من الاخر كدا مش مطمن فيه علامات غريبه على جسمه وحرق كتير ونجوم كدا بالدم انا اول مره اشوفها واول مره اخاف من ابويا
حاضر يا بابا
دخلت اشوف جدى إلى لسه سايبه من شويه وكنا بنلعب مع بعض زى ما احنا متعودين لقيته راقد على السرير جثه بلا روح شكله يخوف بجد جيت امسك ايده علشان ابوسها لقيته مسك فى ايدى جامد وكلبش فيها انا اترعبت وصرخت.
لقيته طلع منه صوت يخوف وقام قعد وقالى العهد. العهد.العهد...
وبعدين ساب ايدى ورجع نام تانى حرفيا كأنه كان نايم وقام يقضى مهمه ورجع نام تانى.
انا اترعبت وقمت من مكانى مفزوع وخرجت من الاوضه وقفلتها ورايا وقلت لبابا محدش يدخل الاوضه تانى
ليه هو عملها معاك انت كمان
عمل ايه
ايه متخفش مهو مسك ايدى بردو وامك كانت واقفه اومال كنت بهديها ليه انا لو مكانتش أمك معايا ولازم اتمالك نفسى عشان أهديها كان زمانى اغمى عليا.
طب ازاى ده حصل ازاى !
بص يبنى فيه حاجات بتحصل ممكن تكون اوهام أو تخيلات من عقلك مش اكتر
اوهام وشوفناها احنا الاتنين؟!
طب هو قالك حاجه؟
حاجه زى ايه يبنى !
لا مفيش
واحنا بنتكلم بابا جاله تليفون من المحامى بتاع العيله الاستاذ محمود.
الو
ايوه يا محمود فيه حاجه
اولا البقاء لله الحاج عرفات كان عزيز علينا اوى الله يرحمه ويدخله فسيح جناته
ونعم بالله
بص يا ايمن احنا اصحاب طول عمرنا وانا مبخبيش عليك حاجه وفيه حاجه حصلت فى الشغل ولازم تعرفها انا كنت عايز استنى لحد ما الظروف إلى انتوا فيها تعدى لكن دى امانه ولازم ابلغك بيها
خير يا محمود اشغينى
احنا خسرنا كل فلوسنا فى البورصه وشركاتنا خسرت مبالغ كبيره والبيت ممكن يتحجز عليه فى اى وقت
يلا مهى كملت ماشى شكرا يا محمود اقفل انت دلوقتى
انا اسف والله لكن دى امانه زى ما قولت
لا انا اتعودت خلاص الفتره دى المشاكل نازله ترن على دماغى مع السلامه
قفل بابا التليفون وحكالى الى حصل والغم زاد اكتر
طب احنا هنعمل ايه يا بابا لو البيت اتحجز عليه هنبقى فى الشارع
بص مفيش حل غير أننا نروح بيتنا القديم
هو حضرتك كان عندك بيت قديم
طبعا يبنى بيت جدك الله يرحمه هو مش غالى زى ده بس هيقضى الغرض هنخلص الجنازه النهارده ونبات وبكرا الصبح نسافر على هناك علطول
نسافر! هو بعيد عن هنا
كتير هو فى منطقه متطرفه فى الصحرا
الله صحرا كدا كملت
يبنى هنقعد فى الشارع مفيش حل غير ده
ماشى يا بابا زى ما تحب
وخلصنا الدفنه والعزاء وخلص اليوم.
صحينا الصبح بدرى لأن حسب كلام بابا البيت الجديد بعيد بكتير عننا علشان منتبهدلش فى السفر والحر.
وصلنا البيت؛ بيت فى منطقه صحراويه فيه بيتين تلاته حواليه لكن من الواضح أنهم مهجورين بقالهم سنين دخلنا والبيت كان محتاج تنضيف الحقيقه ومن كتر تعبنا والدى ووالدتى قرروا يدخلوا يريحوا شويه وانا قررت أكمل لوحدى .
كملت تقريبا تنضيف البيت كله وبقى فاضل منطقه واحده بس الحمام.
دخلت الحمام علشان اشوف ايه اقدر انضفه فتحت المايه علشان اغسل وشى والحمدلله مطلعش منها دم ولا حاجه زى ما كنتوا فاكرين.
بس المرايه المرايه فيها حد واقف جمبى حد لا ده انا اعرفه كويس ده جدى !
جدى بس شكله بشع وعينه سودا وباين ان جسمه مطلع نار أو محروق ومتسلسل من ايده ورجله جيت أخرج بسرعه مسكنى من رقبتى وسبتنى فى الارض وضغط على كتفى جامد لدرجه انى حسيت انى هتغرس فى الارض وقبل ما أفقد الوعى قالى نفس الكلمه إلى قالهالى قبل كدا فاكرينها!
العهد.العهد.العهد
ومش فاكر اى حاجه تانيه.
فوقت لقيت نفسى على سريرى وماما بتصحينى من النوم
قوم يبنى العصر قرب يأذن
انا مش فاهم ده حصل بجد ولا ده كان كابوس بس الحمدلله تظاهر أنه كان كا...
قطع تفكيرى حرقان جامد فى رقبتى وجسمى كله متكسر كأنى واخد علقه بصيت فى المرايه لقيت اثار حرق فعلا على رقبتى.
يعنى الى حصل ده مش كابوس ده واقع وحصل فعلا!
قطع تفكيرى صوت امى وهى بتقولى
ايه الى على رقبتك ده يبنى ؟
مش عارف يماما انا صحيت من النوم لقيتها كدا
ماما هو انا نمت امتى امبارح لانى مش فاكر؟!
احنا وصلنا يبنى على العصر ويدوب نضفنا البيت وتعبنا وكلنا دخلنا ننام حتى انت اخترت الاوضه دى عشان ابوك قال انها بتاعت جدك الله يرحمه .
جدى اه جدى ماشى يا ماما اومال بابا فين
ابوك مستنيك بره علشان عايزك فى موضوع
حاضر يا ماما .
قومت فعلا غسلت وشى واتوضيت وصليت واكلت لقمه ورحت علشان اشوفه عايزنى فى ايه .
بص يبنى طبعا احنا مينفعش نعيش من غير اكل وعلشان ناكل لا....
لازم نشتغل انا عامل حسابى وفكرت فى الموضوع ده يا بابا بس هشتغل ايه انا مش متعود على الشغل.
من الناحيه دى متقلقش انا لقيت شغل كويس وكمان قريب من هنا ومش متعب ولا حاجه.
وايه هو الشغل بقى
هتحرس مخزن قديم فيه ورديتين بليل وبالنهار ورديه النهار فيه حارس بيشتغل فيها لكن بالليل الحارس على حسب ما عرفت انه جاله شغلانه تانيه احسن فاضطر يسبها.
يعنى انا هشتغل فى ورديه بليل وفى الصحرا كمان مع جدى إلى مش سايبنى فى حالى
بتقول حاجه يبنى
لا مبقولش امتى هستلم الشغل
النهارده إن شاء الله انا مرتب كل حاجه هتروح تستلم مكان الحارس إلى هناك المفاتيح وهو هيجيلك تانى يوم الصبح يستلم منك.
حاضر يا بابا تحت امرك
وعدى اليوم والحمدلله مفيش حاجه حصلت فى الوقت ده لحد ما روحت الشغل ويا ريتنى ما رحت.
اخدت العربيه وهى الحاجه الوحيده إلى فاضله بابا قرر يخليها علشان نقدر نتنقل بسهوله ورحت الشغل
مخزن قديم جدرانه متآكله بفعل الزمن بيحتوى على ماكينات أو آلات مش عارف بتعمل ايه ولكن مش موضوعى أنا جاى احرس المكان لحد الصبح وامشى؛الغريبه أن مكانش فيه حد شغال يعنى لما جيت استلم الورديه من عم صبحى _الحارس إلى قبلى فى الورديه_ مكانش فيه حد شغال!
يعنى أنا بحرس مخزن فاضى أو بمعنى أصح آلات! موضوع غريب وشغل اغرب ومش مطمن
خلاص يبنى انا همشى دلوقت وانت هتقعد زى ما اتفقنا هنا ومتتنقلش من مكانك
حاض..
ومتتنقلش من مكااانك لحد ما اجيلك فاهم!
اااه كدا الموضوع فيه إن وأخواتها كمان يلا بالمره .
انت مالك بتتك على مكانك اوى كدا هو فيه ايه هنا ياعم صبحى صارحنى الله يخليك
فيه ايه يبنى مفيش حاجه انا بس بقولك خليك مكانك علشان تاخد بالك من المكن مش اكتر يلا سلام اشوفك الصبح.
انت بتقلقنى وسايبنى ورايح فين !
يبنى ولا بقلقك ولا حاجه اقعد بس انت كدا على الكرسى ده وانا هجيلك بكرا إن شاء الله الصبح يلا مع السلامه
مع السلامه يعم صحبى .
طبعا مش محتاج اوصفلكوا الوضع تخيل معايا كدا .
قاعد لوحدك الساعه ١بعد نص الليل وبتحرس مكان شكله يخوف لوحده اصلا وفاضى وفوق كل ده فى صحرا واكيد كلكوا عارفين يعنى ايه صحرا ومين بيبقى ساكن الصحرا ...
لا وايه جدى حبيبى إلى نشاطه زايد معايا بعد ما مات ومش سايبنى فى حالى.
احمد !!
حد سمع حاجه
احمد!!
ايوه ده صوت بينادى عليا منين؟ معرفش ومين بينده عليا وانا لوحدى فى صحرا بعد نص اللييييل اكيد عرفتوا...
لمحت حد من بعيد بيقرب ومتجه ناحيه الباب الخلفي للمخزن ندهت عليه يا استاذ يا استاذ انت مين
قال يعنى مش عارف ده مين أوو ده ايييه!
دخل المخزن وانا وراه ما انا مستبيع بقى لازم اشوف ده داخل يعمل ايه ..
انت يعم بتعمل ايه عندك وقف واتجمد مكانه زى التمثال بالظبط هو مديلى ضهره وانا واقف مستنيه بعمل اى حاجه او يتحرك..
وفى أقل من ثانيه لقيت خبطه جامده نازله على دماغى من ورايا كافيه لإنها تفقدنى الوعى..
وقبل ما أفقد الوعى لمحت إلى ضربنى على دماغى ده .. ده.. عم صبحى!!!
ايوه عم صبحى ايه مالك مستغرب ليه يا غبى ما انا قولتلك متتحركش من مكانك
القربان لازم يتقدم فى معاده والعهد إلى اتكسر لو مرجعش زى ما كان هيحصل فيك زى ما حصل لجدك إلى واقف وراك ده....
جدى ايوه جدى بشكله البشع إلى ظهرلى بيه قبل كدا فى الحمام بقى ده عم صبحى الراجل الغلبان الى كنت معاه من شويه طب ليه عمل كدا وهو عمل فى جدى ايه....
من صدمه المشهد وشده الضربه فقدت الوعى.
استنونى فى الجزأ الجاى لان لسه حياتى منتهتش وقصتى لسه مكمله وهل عم صبحى ده فعلا بنى ادم زينا ولاااا حاجه تانيه...
وهل جدى مذنب وارتكب حاجه هو مش قدها..
هتعرفوا كل ده الجزأ إلى جاى من ....
تعليقات
إرسال تعليق